Beeldbank audio
Menu: Beeldbank
Aantal gevonden foto's : 46 (van: 613) | ||
Al vanaaf 1937 besjtông d’r in Tegele ein vastelaovesgezelsjap. Maar, as gevolg van ein in de loup van de Twiëde Waereldoorlog offisjeel gedaone belofte, um gedeurende 25 jaor genne vastelaovend miër te viere, as-me daen oorlog good zou doorsjtaon, woort die vereiniging aevel ôntbônge.
Vastelaovesgezelsjap D'n Oeles Tegele woort nao tig euverlegk opnie-j opgerich op 25 september 1951 in de achterzaal van kefee Baer van Roob Houba. Aan dees oprichting waas ein informatieve beejeinkoms veuraaf gegaon van ‘nne gas Tegelenaere, die d’r zich aan sjteurde det met de vastelaovend d’r ‘nne kompleten oéttoch richting Venlo plaatsvông.
Einen destiédse groëten animator waas Rein Olders, dae zich met hert en zeel inzat um d’n Tegelse vastelaovend opnie-j van de grôngk te kriége. Geïnspireerd door d’n titel van de winnende sjlager oét 1937 neumde de inisjatiefnemers zich toen ’t Oelescomité. Toen dees vereiniging d’r good en waal waas, woort de naam Tegelse Oelesvereiniging gekaoze.
’t Begrip Oeles is aafgeleid van “olla”, wat in ’t Latién “pot” beteikent. ’t Waas ein saort aerde pot met éin oër en met ‘nnen inhoud van ôngeviër eine liter. Dao-oét woort d’r destiéds melk en beer gesjônke.
Gedeurende vurneumde oprichtingsvergadering sjtelde de Tegelse kasteleinsvereiniging zich garant vur ’n beginkapitaal van 2.000 gölde. Twië maond later heel D’n Oeles ein iërste zitting in de zg. “Hoogburg”, toen nag zaal Rooskens aan de Poshoéssjtraot.
Sjeng Denessen waas d’n iërste Vors en Theej Smeets in 1952 d’n iërste nao-oorlogse Tegelse Prins. Hae woort op ’t kiosk vur de St. Martinuskerk geïnstalleerd en duipte dao d’n Oeles; ein inmiddels lang verdwene tradisie-j, waobeej me einen aerden Oeles kepot sjloog. De sjlager van det jaor droog de toepasselikke titel: “Al haes-se auch miër geld as ich…. det sjpeult vandaag gen rol”.
Ein jaor later aevel, in 1953, woorte door de watersjnoëdramp alle aktiviteite aafgelas oét solidariteit met vurnamelik de Ziëuwse en Zuid-Hollandse bevolking. Gelökkig bleke de fundamente sjterk genôg um ’t jaor d’rop wiër te gaon op de ingesjlaage waeg.
D’n Oeles had vanoét ’t verleej-je as residensie-js: ‘t Witte Hoés, zaal Lücker, kefee Johnny en kefee Quatre Bras. Sinds 1973 is ’t Oelesgezelsjap aangesjlaote beej de Samewirkende Limburgse Vastelaovesvereiniginge.
Momenteel haet D’n Oeles ônger miër ein eige joekskepèl die loestert nao de naam “Tegels Blood”. We verwiéze uch gaer nao ôs website: www.oeles.nl
|
1 2 | >> >| |
1. | Database nr.: 00000165 V.G. D'n Oeles 1960 Oet 't Oelesriek TEGELSE VASTELAOVESSJLAGERS |
2. | Database nr.: 00000166 V.G. D'n Oeles 1961 BAMBINOS SPELEN SJLAGERS OET 'T OELESRIEK |
3. | Database nr.: 00000167 V.G. D'n Oeles 1962 TEGELSE VASTELAOVENDSJLAGERS |
4. | Database nr.: 00000173 V.G. D'n Oeles 1968 TEGELSE CARNAVALSSCHLAGERS 68 |
5. | Database nr.: 00000176 V.G. D'n Oeles 1971 VASTELAOVENDSJLAGERS 1971 |
6. | Database nr.: 00000177 V.G. D'n Oeles 1972 TEGELSE VASTELAOVEND SJLAGERS 1972 |
7. | Database nr.: 00000179 V.G. D'n Oeles 1974 TEGELSE VASTELAOVEND SJLAGERS 1974 |
8. | Database nr.: 00000181 V.G. D'n Oeles 1976 KARNAVAL '76 |
9. | Database nr.: 00000182 V.G. D'n Oeles 1977 KARNAVAL '77 |
10. | Database nr.: 00000183 V.G. D'n Oeles 1978 VASTELOAVEND '78 |
11. | Database nr.: 00000184 V.G. D'n Oeles 1979 VASTELAOVEND '79 |
12. | Database nr.: 00000185 V.G. D'n Oeles 1980 Vastelaovend 79/80 |
13. | Database nr.: 00000186 V.G. D'n Oeles 1981 Vastelaovend in tegele 80/81 |
14. | Database nr.: 00000187 V.G. D'n Oeles 1982 Vastelaovend in Tegele en as weej wir nao tegele gaon... |
15. | Database nr.: 00000188 V.G. D'n Oeles 1983 Vastelaovend in Tegele 2 pak vas, en doot nôw mei-j... |
16. | Database nr.: 00000189 V.G. D'n Oeles 1984 Vastelaovend in Tegele 3 "wie 't is, en wie 't waas" |
17. | Database nr.: 00000191 V.G. D'n Oeles 1986 Vastelaovend in Tegele 4 "SAME ZINGE WEEJ MEI-J, MET TEGELE, STEYL EN DE HEI..." |
18. | Database nr.: 00000192 V.G. D'n Oeles 1987 Vastelaovend in Tegele 5 TEGELE BLIÉF TEGELE! |
19. | Database nr.: 00000197 Tegelen 1992 Vastelaovend in Tegele 8 "En nôw krangs öm" |
20. | Database nr.: 00000198 V.G. D'n Oeles 1993 Vastelaovend in Tegele 9 (iërste Tegelse Vasteloaves CD) "Det môt kenne" |
21. | Database nr.: 00000199 V.G. D'n Oeles 1994 Vastelaovend in Tegele 10 Gekker geit 't neet |
22. | Database nr.: 00009079 V.G. D'n Oeles 1994 MC Vastelaovend in Tegele 10 Gekker geit 't neet |
23. | Database nr.: 00000200 V.G. D'n Oeles 1995 Vastelaovend in Tegele 11 Gans get angers |
24. | Database nr.: 00000201 V.G. D'n Oeles 1996 Vastelaovend in Tegele 12 Geit neet besteit neet |
25. | Database nr.: 00000202 V.G. D'n Oeles 1997 Vastelaovend in Tegele 13 Eine groëte Poppekas |
1 2 |