Beeldbank

Menu: Beeldbank

Aantal gevonden foto's : 5 (van: 99) Sorteer op:

V.G. D'n Oeles

Al vanaaf 1937 besjtông d’r in Tegele ein vastelaovesgezelsjap. Maar, as gevolg van ein in de loup van de Twiëde Waereldoorlog offisjeel gedaone belofte, um gedeurende 25 jaor genne vastelaovend miër te viere, as-me daen oorlog good zou doorsjtaon, woort die vereiniging aevel ôntbônge.

Vastelaovesgezelsjap D'n Oeles Tegele woort nao tig euverlegk opnie-j opgerich op 25 september 1951 in de achterzaal van kefee Baer van Roob Houba. Aan dees oprichting waas ein informatieve beejeinkoms veuraaf gegaon van ‘nne gas Tegelenaere, die d’r zich aan sjteurde det met de vastelaovend d’r ‘nne kompleten oéttoch richting Venlo plaatsvông.

Einen destiédse groëten animator waas Rein Olders, dae zich met hert en zeel inzat um d’n Tegelse vastelaovend opnie-j van de grôngk te kriége. Geïnspireerd door d’n titel van de winnende sjlager oét 1937 neumde de inisjatiefnemers zich toen ’t Oelescomité. Toen dees vereiniging d’r good en waal waas, woort de naam Tegelse Oelesvereiniging gekaoze.

’t Begrip Oeles is aafgeleid van “olla”, wat in ’t Latién “pot” beteikent. ’t Waas ein saort aerde pot met éin oër en met ‘nnen inhoud van ôngeviër eine liter. Dao-oét woort d’r destiéds melk en beer gesjônke.

Gedeurende vurneumde oprichtingsvergadering sjtelde de Tegelse kasteleinsvereiniging zich garant vur ’n beginkapitaal van 2.000 gölde. Twië maond later heel D’n Oeles ein iërste zitting in de zg. “Hoogburg”, toen nag zaal Rooskens aan de Poshoéssjtraot.

Sjeng Denessen waas d’n iërste Vors en Theej Smeets in 1952 d’n iërste nao-oorlogse Tegelse Prins. Hae woort op ’t kiosk vur de St. Martinuskerk geïnstalleerd en duipte dao d’n Oeles; ein inmiddels lang verdwene tradisie-j, waobeej me einen aerden Oeles kepot sjloog. De sjlager van det jaor droog de toepasselikke titel: “Al haes-se auch miër geld as ich…. det sjpeult vandaag gen rol”.

Ein jaor later aevel, in 1953, woorte door de watersjnoëdramp alle aktiviteite aafgelas oét solidariteit met vurnamelik de Ziëuwse en Zuid-Hollandse bevolking. Gelökkig bleke de fundamente sjterk genôg um ’t jaor d’rop wiër te gaon op de ingesjlaage waeg.

D’n Oeles had vanoét ’t verleej-je as residensie-js: ‘t Witte Hoés, zaal Lücker, kefee Johnny en kefee Quatre Bras. Sinds 1973 is ’t Oelesgezelsjap aangesjlaote beej de Samewirkende Limburgse Vastelaovesvereiniginge.

Momenteel haet D’n Oeles ônger miër ein eige joekskepèl die loestert nao de naam “Tegels Blood”. We verwiéze uch gaer nao ôs website: www.oeles.nl

Kan een afbeelding zijn van een of meer mensen en buitenshuis

1

1.
Database nr.: 00007795
V.G. D'n Oeles 2009

Prins: John III Beurskens Adjudant: Mark Denessen Adjudant: Rob van Aanholt Oelesvors: Lucas Jaspers Motto: Wat eine Sirk Liéfsjpreuk: “Sjo...

2.
Database nr.: 00007796
V.G. D'n Oeles 2010

Prins: Luuk I Blok Adjudant: Bark Leenders Adjudant: Stan Hanraets Oelesvors: Lucas Jaspers Motto: Dèt klink wie ein klökske Liéfsjpreuk: ...

3.
Database nr.: 00007797
V.G. D'n Oeles 2011

Prins: Ed I Faassen Adjudant: Ron Driessen Adjudant: Bleijs Reijnders Oelesvors: Gé Cornet Motto: Op good gelök Liéfsjpreuk: “Met ei...

4.
Database nr.: 00008278
V.G. D'n Oeles 2023

Vastelaovend 2023 VASTELAOVEND MOTTO 2023: LAOT 'T ACHTER DICH

5.
Database nr.: 00009608
V.G. D'n Oeles 2024

Prins: Tommy I Vostermans Adjudant: Bram Hasselmans Adjudant: Dennis Klompmakers Motto: Prins, Prinses, Adjudant of Kloon... gennen twiefel: altiéd doon!

Aantal gevonden foto's : 5 (van: 99)		Sorteer op:
V.G. D'n Oeles Al vanaaf 1937 besjtông d’r in Tegele ein vastelaovesgezelsjap. Maar, as gevolg van ein in de loup van de Twiëde Waereldoorlog offisjeel gedaone belofte, um gedeurende 25 jaor genne vastelaovend miër te viere, as-me daen oorlog good zou doorsjtaon, woort die vereiniging aevel ôntbônge. Vastelaovesgezelsjap D'n Oeles Tegele woort nao tig euverlegk opnie-j opgerich op 25 september 1951 in de achterzaal van kefee Baer van Roob Houba. Aan dees oprichting waas ein informatieve beejeinkoms veuraaf gegaon van ‘nne gas Tegelenaere, die d’r zich aan sjteurde det met de vastelaovend d’r ‘nne kompleten oéttoch richting Venlo plaatsvông. Einen destiédse groëten animator waas Rein Olders, dae zich met hert en zeel inzat um d’n Tegelse vastelaovend opnie-j van de grôngk te kriége. Geïnspireerd door d’n titel van de winnende sjlager oét 1937 neumde de inisjatiefnemers zich toen ’t Oelescomité. Toen dees vereiniging d’r good en waal waas, woort de naam Tegelse Oelesvereiniging gekaoze. ’t Begrip Oeles is aafgeleid van “olla”, wat in ’t Latién “pot” beteikent. ’t Waas ein saort aerde pot met éin oër en met ‘nnen inhoud van ôngeviër eine liter. Dao-oét woort d’r destiéds melk en beer gesjônke. Gedeurende vurneumde oprichtingsvergadering sjtelde de Tegelse kasteleinsvereiniging zich garant vur ’n beginkapitaal van 2.000 gölde. Twië maond later heel D’n Oeles ein iërste zitting in de zg. “Hoogburg”, toen nag zaal Rooskens aan de Poshoéssjtraot. Sjeng Denessen waas d’n iërste Vors en Theej Smeets in 1952 d’n iërste nao-oorlogse Tegelse Prins. Hae woort op ’t kiosk vur de St. Martinuskerk geïnstalleerd en duipte dao d’n Oeles; ein inmiddels lang verdwene tradisie-j, waobeej me einen aerden Oeles kepot sjloog. De sjlager van det jaor droog de toepasselikke titel: “Al haes-se auch miër geld as ich…. det sjpeult vandaag gen rol”. Ein jaor later aevel, in 1953, woorte door de watersjnoëdramp alle aktiviteite aafgelas oét solidariteit met vurnamelik de Ziëuwse en Zuid-Hollandse bevolking. Gelökkig bleke de fundamente sjterk genôg um ’t jaor d’rop wiër te gaon op de ingesjlaage waeg. D’n Oeles had vanoét ’t verleej-je as residensie-js: ‘t Witte Hoés, zaal Lücker, kefee Johnny en kefee Quatre Bras. Sinds 1973 is ’t Oelesgezelsjap aangesjlaote beej de Samewirkende Limburgse Vastelaovesvereiniginge. Momenteel haet D’n Oeles ônger miër ein eige joekskepèl die loestert nao de naam “Tegels Blood”. We verwiéze uch gaer nao ôs website: www.oeles.nl