Beeldbank
Menu: Beeldbank
| Aantal gevonden foto's : 186 (van: 9450) | ||
|
Al vanaaf 1937 besjtông d’r in Tegele ein vastelaovesgezelsjap. Maar, as gevolg van ein in de loup van de Twiëde Waereldoorlog offisjeel gedaone belofte, um gedeurende 25 jaor genne vastelaovend miër te viere, as-me daen oorlog good zou doorsjtaon, woort die vereiniging aevel ôntbônge.
Vastelaovesgezelsjap D'n Oeles Tegele woort nao tig euverlegk opnie-j opgerich op 25 september 1951 in de achterzaal van kefee Baer van Roob Houba. Aan dees oprichting waas ein informatieve beejeinkoms veuraaf gegaon van ‘nne gas Tegelenaere, die d’r zich aan sjteurde det met de vastelaovend d’r ‘nne kompleten oéttoch richting Venlo plaatsvông.
Einen destiédse groëten animator waas Rein Olders, dae zich met hert en zeel inzat um d’n Tegelse vastelaovend opnie-j van de grôngk te kriége. Geïnspireerd door d’n titel van de winnende sjlager oét 1937 neumde de inisjatiefnemers zich toen ’t Oelescomité. Toen dees vereiniging d’r good en waal waas, woort de naam Tegelse Oelesvereiniging gekaoze.
’t Begrip Oeles is aafgeleid van “olla”, wat in ’t Latién “pot” beteikent. ’t Waas ein saort aerde pot met éin oër en met ‘nnen inhoud van ôngeviër eine liter. Dao-oét woort d’r destiéds melk en beer gesjônke.
Gedeurende vurneumde oprichtingsvergadering sjtelde de Tegelse kasteleinsvereiniging zich garant vur ’n beginkapitaal van 2.000 gölde. Twië maond later heel D’n Oeles ein iërste zitting in de zg. “Hoogburg”, toen nag zaal Rooskens aan de Poshoéssjtraot.
Sjeng Denessen waas d’n iërste Vors en Theej Smeets in 1952 d’n iërste nao-oorlogse Tegelse Prins. Hae woort op ’t kiosk vur de St. Martinuskerk geïnstalleerd en duipte dao d’n Oeles; ein inmiddels lang verdwene tradisie-j, waobeej me einen aerden Oeles kepot sjloog. De sjlager van det jaor droog de toepasselikke titel: “Al haes-se auch miër geld as ich…. det sjpeult vandaag gen rol”.
Ein jaor later aevel, in 1953, woorte door de watersjnoëdramp alle aktiviteite aafgelas oét solidariteit met vurnamelik de Ziëuwse en Zuid-Hollandse bevolking. Gelökkig bleke de fundamente sjterk genôg um ’t jaor d’rop wiër te gaon op de ingesjlaage waeg.
D’n Oeles had vanoét ’t verleej-je as residensie-js: ‘t Witte Hoés, zaal Lücker, kefee Johnny en kefee Quatre Bras. Sinds 1973 is ’t Oelesgezelsjap aangesjlaote beej de Samewirkende Limburgse Vastelaovesvereiniginge.
Momenteel haet D’n Oeles ônger miër ein eige joekskepèl die loestert nao de naam “Tegels Blood”. We verwiéze uch gaer nao ôs website: www.oeles.nl
 | ||
| 1 2 3 4 5 6 7 8 | >> >| |
| 1. |  | Database nr.: 00007764 V.G. D'n Oeles (19) |
| 2. |  | Database nr.: 00004769 V.G. D'n Oeles (07) "Omdet Tegele ôs leef is" Het ontwerp is van Jac. Bongaerts. |
| 3. |  | Database nr.: 00001440 V.G. D'n Oeles (15) "Um Det Tegele Ôs Leef Is" |
| 4. |  | Database nr.: 00008718 V.G. D'n Oeles (22) Oeles |
| 5. |  | Database nr.: 00005942 Oeleskrant 1958 OELES-KRANT 1958 6e edisie |
| 6. |  | Database nr.: 00005943 Oeleskrant 1959 OELES-KRANT 1959 7e edisie |
| 7. |  | Database nr.: 00000165 V.G. D'n Oeles 1960 Oet 't Oelesriek TEGELSE VASTELAOVESSJLAGERS |
| 8. |  | Database nr.: 00000166 V.G. D'n Oeles 1961 BAMBINOS SPELEN SJLAGERS OET 'T OELESRIEK |
| 9. |  | Database nr.: 00000167 V.G. D'n Oeles 1962 TEGELSE VASTELAOVENDSJLAGERS |
| 10. |  | Database nr.: 00005944 Oeleskrant 1965 OELES-KRANT 1965 13e edisie |
| 11. |  | Database nr.: 00006146 V.G. D'n Oeles hofkapel ca 1965 (2) OELES |
| 12. |  | Database nr.: 00000173 V.G. D'n Oeles 1968 TEGELSE CARNAVALSSCHLAGERS 68 |
| 13. |  | Database nr.: 00002627 V.G. D'n Oeles 1970 OELES |
| 14. |  | Database nr.: 00000176 V.G. D'n Oeles 1971 VASTELAOVENDSJLAGERS 1971 |
| 15. |  | Database nr.: 00000177 V.G. D'n Oeles 1972 TEGELSE VASTELAOVEND SJLAGERS 1972 |
| 16. |  | Database nr.: 00005945 Oeleskrant 1972 Oeles-krant 1972 20e edisie |
| 17. |  | Database nr.: 00001572 V.G. D'n Oeles 1972 Prins: Mat I Hendrix Adjudant: Adjudant: Oelesvors: Wiel Poeth Liéfsjpreuk: “Met ’n bruëdje van d’m bekker, doot geej ... |
| 18. |  | Database nr.: 00007784 Oeleskrant 1973 Oeleskrant 1973 21e edisie |
| 19. |  | Database nr.: 00003069 V.G. D'n Oeles 1973 Prins: Stef I (Stjaef) Beurskens Adjudant: Toen Clabbers Adjudant: Rene Stoffels Oelesvors: Piet Janssen Liéfsjpreuk: “En nôw: plankgaas”... |
| 20. |  | Database nr.: 00007022 V.G. D'n Oeles 1973 blauw 2 X 11 JAOR Oeles-comitee Tegelen |
| 21. |  | Database nr.: 00007023 V.G. D'n Oeles 1973 geel 2 X 11 JAOR Oeles-comitee Tegelen |
| 22. |  | Database nr.: 00007024 V.G. D'n Oeles 1973 rood 2 X 11 JAOR Oeles-comitee Tegelen |
| 23. |  | Database nr.: 00000179 V.G. D'n Oeles 1974 TEGELSE VASTELAOVEND SJLAGERS 1974 |
| 24. |  | Database nr.: 00007785 Oeleskrant 1974 Oeleskrant 1974 22e edisie |
| 25. |  | Database nr.: 00003070 V.G. D'n Oeles 1974 Prins: John I Janzen Adjudant: n.v.t Adjudant: n.v.t Oelesvors: Piet Janssen Liéfsjpreuk: “En nôw: ploens d’rin” |
| 1 2 3 4 5 6 7 8 |
facebook