Beeldbank

Menu: Beeldbank

Aantal gevonden foto's : 1   (van: 9450)

EUVER D’N ELLEFDE MAN

D’n Ellefde Man is ein joeksige vereiniging van unne gas jônge en maedjes die de vastelaovend ein werm hert toedrage. Lol, plezeer en joeks hebben weej hoëg in ut vaandel staon. Weej zien der neet allein um de vastelaovend te consumeren, maar auk um zellef vastelaovend te maken. Det is waor weej veur staon, weej stoan neet wie de spreakwoordelijke 12e, maar wie D’n Ellefde Man achter de Vastelaovend!

ONTSTAON

Vastelaovend 2007, örges in ein kroeg in Venlo: Twië vrindegroepen staon zoë wie dökker same wat glaeskes aek teage de tand te tikke. De Buizerds en de ZjillBeare zien zeker gen onbekinde van mekaar. Door de jaore hear zien der weinig weake geweas det zeej neet urges same aan de tap stonde. Eine buizerd spreak unne Bear aan euver d’n Bliërickse Optoch van de vollegende daag. ‘‘Waor got geej stoan kieke?’’ waas de vraog. ‘‘Op dezelfde plaats wie altied’’ is ut antwoord. ‘‘Wie altied’’ stonden weej inderdaad aan de kant te kieke. Nog dök met eine groëte zwarte kater um os haer dreijend, ein pilske in de hand en loensend naor alweer zonne schoëne wage. ‘‘Wat zoei ut moei zien as weej met eine eige groep mei ginge laupe en auk echt actief os steinke aan de vastelaovend koste beejdrage’’ oppert de buizerd. ‘‘Wat ein waan idee’’ zeat d’n Bear. Wie ein laupend veurke ging ut vervolges door de kroeg. Ut idee um eine gas joeksige vastelaovesgekke te vereinigen in D’n Ellefde Man waas gebaore. De leefde veur ut getal ellef kump heejin duudelijk naor veure. D’n Ellefde Man zoei ein joeksige vereiniging van unne gas jônge en maedjes waere, die de vastelaovend ein werm hert toedrage . Lol, plezeer en joeks meusten de 3 kernbegrippe waere. D’n Ellefde Man is ontstaon oet ut idee neet allein vastelaovend te consumeren, maar auk um vastelaovend te produceren. Um zelf ein klein stukske vastelaovend te maken. Det is waor weej veur staon, weej stoan neet wie de spreakwoordelijke 12e, maar wie d’n Ellefde Man achter de Vastelaovend!

Maar zoë wie dökker is gebleke, ideeën die in de kroeg onstaon zien neet altied eave serieus en waere toch dök gecreëerd door ein goldgaele substantie. Wannier det nimmer aanwezig is zak ut auk ut idee weer efkes weg. En veur det we ut wiste stonde we aan de veuraovend van Vastelaovend 2008. Der waas nog niks gebeurd en niks geregeld. Auk veur de vastelaovend 2008 zoei det te kortdaag zien. Toch begos met de aankommende vastelaovend D’n Ellefde Man steeds mier te leave. Al wisten we det we ut nimmer kômmend jaor koste realisere, ut enthousiasme waas genôg um al verder te kieke dan vastelaovend 2008. Ein iërste Perscommunicee woord oetgegeave waorin de potentieële leeje op de huugte gebrach waorte van de planne.

Tiedens de vastelaovend 2008 leek ut alsof D’n Ellefde Man al ein gegaeve waas. Idderein uutte zien enthousiasme en kwaam met ideeën. Ut waas moei um te zeen wie ut leafde. Aswoensdaag 2008 kwaam de iërste interne notitie dae ein bevestiging meus zien van de enorme drive dae der waas um van D’n Ellefde Man ein succes te maken. Neet vuul later verscheen ut document ‘‘D’n Ellefde Man: Organisatorisch veurstel ten behoeve van oprichting’’. Met de komst van dit document woord ut startschot gegaeve veur de concretisering van alle plannen van de aafgelaupe jaore. Ein joekskemmissievan 5 man woord geformeerd. Dees kemmissie zoei beej de oprichting van de vereiniging de ker gaon trekke en eine roëje droad oetstippele. Ein aantal lange vergaderingen in Cafe Central volgde. De meist oeteinlaupende zaken kwame aan bod. Ondertussen knötselde de Pers en Propaganda kemissie hard aan ein logo en ein website. Oetintelijk meug ut resultaat der zien. D’n Ellefde Man is nog steeds neet offisjeel opgerich (steit gepland veur 11/11/08), maar ut geveul, de joeks en de geist van D’n Ellefde Man zien der zeker wal al, met dank aan alle alle aankommende leeje, want eur enthousiasme is oetintelijk ut noo al groëte succes van D’n Ellefde Man.

(D’n Ellefde Man steit noeïts stil, dit stukske geschiedenis is altied aan verandering onderhevig)
1

1.
Database nr.: 00008135
D'n Ellefde man

D'N ELLEFDE MAN X WZIENXI X VANUATU X VENLO

1