Beeldbank boeken

Menu: Beeldbank

Aantal gevonden foto's : 1   (van: 595)

Waat vluug d’n tied….Is ‘t al weer zoëlang geleeje? Dök huurse det as d’r wuurt gespraoke euver os tenielvereiniging. VIERTIG JAOR is ouk neet niks…. Eine langen tiëd waorin hiel vuul is gebeurd… Minder leuke maar veural leuke dinger wao weej aan kinne truukdinke….. 1976… Ein aantal elders die betrokke ware beej ’t Kindervakantiewerk besloete ein teniëlstök op te gaon veure, um zoë de kas van ‘t KVW te gaon spekke. Nao lang rippetere woort op 11 april 1980 ’t stok: “Bruintjes Bier Bruist Beter” opgeveurd. Ein euverweldigend succes. Twië volle zale en ein opbrings van honderdnegenendertig gulde. Veur daen tied ein moei bedraag.

Det waar ’t dan zoelse kinne dinke…. Maar nae, de speulers hadde de smaak te pakke en zoë besloate zeej um verder te gaon as: ”TENIELCLUB ’T VEN” De jaore daornao ontwikkelde dit clubke zich tot ein echte tenielvereinignig. We woorte officieel ein vereiniging “TENIELVEREINIGING ’T VEN”. De belangstelling greuide, taegeswoordig speule we nege aovende. Os leeje kwame al lang neet mier allein maar oet t Ven, maar oet de ganse regio en zoë woort beslaote um de naam te verandere in “TENIELVEREINIGING SILHOUET.”

Al vanaaf ‘t begin waar os tenielvereining lid van het LFA (Limburgse federatie van Toneelgezelschappen). Dees federatie wao (schrik neet) honderdvieftig Limburgse tenielvereiniginge beej zien aangesloate guf de clubs ondersteuning beej regie en organiseert oa. spel-regie en techniekcursusse. Verder kinse as vereiniging dien oetveuring door professionels laote beoordaele. Eur lierzame rapportage, met vuul tips, wuurd bespraoke. De jury kin aok speulers, technische onderdeile, zoeas decor, belichting enz. veurdrage veur ein priës. Nao ein aantal nominaties en onderscheidinge volgde twië jaor geleeje opniej ein fantastiche onderscheiding. De schouwburg van Wièrt waar aafgelaaje vol. Naodet diverse speulers in t zunke ware gezatte betrooj deputé Ger Koopmans ’t podium um de belangriekste troffee van daen aovend oet te reike, namelijk “De vereiniging met de meist bizondere productie… Os stök “Leefde Lös en Lakes” kreeg dees bijzondere onderscheiding, ’T MUULKE, oetgereik.

Behalve tenielspeule gebeurt d’r beej Silhouet nog vuul mier…,klasjenere, decor bouwe, gezellige feestaovende, en um de viëf jaor ein lustrumoëtstepke Zoe ware weej oa. al ein weekend in Düsseldorf en Leuven.

Al met al is Silhouet ein broesende vereiniging. Veer leeje zien al vanaaf ’t ierste oor lid. Weej haope nog hiel langk verder te gaon en veur och jaorlijks ein zalige ontspannende aovend te kinne presentere.
1

1.
Database nr.: 00007529
Venlose Teniêlvereiniging Silhouet 2005

Venlose Teniêlvereiniging Silhouet 25 JAOR Jubileum Veurstelling 't Pleintje

1